Report ni: Jennifer Palomo Debaja
Nakuha gid sang Panay Overseas Workers Association ang tropeo kag cash prize nga P250,000 pesos sa ginhiwat nga Barkadahan Dance Festival kahapon nga adlaw Disyembre 9, 2018.
Lima ka grupo ang nagpasakop sa nasambit nga event kon sa diin ginpasundayag ang nagkalain-lain nga kapiyestahan sa Pilipinas. Kasadyahan Festival sang Iloilo, Sinulog Festival sang Cebu, Panagbenga Festival sang Bagiuo, T’nalak Festival sang Koronadal kag Ati-atihan Festival sang Kalibo.
Ginpangunahan ni Consul General Antonio A. Morales kag Labor Attache Jalilo O. Dela Torre ang pagbukas sang Barkadahan Dance Festival sa Hong Kong Convention and Exhibition Centre.
May yara 18 ka performers sang POWA ang nagpartisipar sa idalum sang choreographer nga si Jay Borla.
Sa pahayag ni Ms. Lindy Paclibar, presidente sang grupo kag tumandok sang Dumarao, Capiz, paga gamiton nila ang nadag-an nga kwarta sa mga charity works kag feeding programs sang POWA sa Pilipinas.
Panginbulahan man sa Migrants Ilonggo Global Association sa pagpasundayag bilang Kasadyahan tribe.
