Roxas City, Capiz- Aksidente nga nabunggo sa isa ka panimalay sa Barangay sang Lanot ang kotse nga ginamaneho sang membro sang PNP nga close-in body guard sang gobernador sang probinsya sang Capiz.
Pasado alas tres sang kaaganhon samtang mahamuok ang katulogon sang pamilya ni Ricardo Abellar, nakibot ang mga ini sang gulpi nga may nagbunggo sa ila panimalay.
Nagaguha sa imbestigasyon sang mga kapulisan nga wala makontrol sang driver nga si SPO2 Belton Llanda sang Tabuc Norte Panit-an ang manibela sang ginamaneho nga salakyan sang ginasubay sini ang kurbadahon nga porsyon sang amu nga dalan.
Halin ang amu nga persona sa isa ka party sa syudad sang Roxas kag buot na pauli sa banwa sang Panit-an sang matabo ang aksidente.
Maswerte naman nga wala masamaran ang nagakatulog nga si Maria Teresa Abellar nga pila gid lamang ka tapak ang distansya sa ginbunggoan sang salakyan sang suspek.
