General Santos City–Nagpatabang sa Police Station 1 ang duha ka mga biktima nga sa nahitabong pagpanulis sa Magsaysay Avenue Cor. Biatiles street, Barangay Dadiangas South Gensan alas 11:55 ang takna sa udto niadtong nakalabayng adlaw.
Giila ni Police Sr. Inspector Abdulsalam Mamalinta ang hepe sa Police Station 1 ang mga biktima nga silang Queen Delyn Vacaro, 21, nga nanimuyo sa Purok 2, Sto. Niño, Barangay Apopong ug Gertrudes Gabato, legal age nga nanimuyo sa susamang barangay.
Nasayran nga nadagit sa mga suspek ang kwarta sa mga biktima nga nagkantidad ug P13,800.00 nga gibutang sa envelop.
Sa imbistigasyon sa kapulisan nasuta nga nag-withdraw matud pa ug kwarta sa ilang kooperatiba ang duruha ug pagawas sa maong buhatan didto na sila giharangan sa mga suspek dungan sa pagdeklara ug tulis.
Gisumbag pa sa suspect ang usa sa mga biktima hinungdan nga sa kahadlok ila nalang gihatag ang envelop nga dunay unod nga kwarta. Paspas usab nga misibat ang mga suspek sakay sa motorsiklo nga walay plaka numero.
Sa karon ginasuta na sa kapulisan ang area sa pamasin nga nakuhaan ug footage sa CCTV ang nahitabong pagpanulis. (Dave Silagan)
