Roxas City, Capiz- Yara na sa maayo nga kondisyon ang kapin sa 15 ka mga tripulante sang sakayan pandagat nga naubon sa kadagatan nga sakop sang Isla sang Olotayan. Ini ang ginapanag-iyahan sang mag-asawa nga Mr. Vicente kag Jelly Licanto sang Brgy. Banica, Roxas City.
Suno kay Punong Barangay Bongbong Aninang, ginabanta nga 200 metros ang kalauyon sa Sitio Kapakolan naubon ang fishing boat nga ginasakyan sang mga ini.
Ginapatihan nga ginhampak sang mabaskog nga balod ang sakayan rason nga ini ang nagtiklob. Maswerte nga nakalangoy ang mga ini kag nasagop sang mga residente nga malapit sa lugar. Dugang pa ni Aninang, nga na gindul-ong kahapon sa Brgy. Agojo, Panay, Capiz ang amo nga mga crew sang naglugdang nga sakayan pandagat.
Kun madumduman nga sang nakaligad nga Enero 2 isa man ka sakayan nga ginapanag-iyahan sang pamilya Licanto sa Coracha Shoal sa area sang Carles kun sa diin tatlo ka mga tripulante sini ang ginbawian sang kabuhi.
*(Photo from web)*
