Roxas City, Capiz – Ginreklamo sang pila ka mga vendors kag bumalakal sa Teodoro Arcenas Trade Center ang isa ka 45-anyos nga lalaki matapos nga nagwaras ini kag ginpakita pa ang iya kinatawo sa mga tawo sa nasambit nga merkado. Ini nagluntad sang nagligad nga adlaw sa sulod sang TATC, kun sa diin ginkilala diri ang nasambit nga persona sa kay Noel Benliro.
Ginpahayag sang isa sa mga tagreklamo, nga nagpalapit sa ila pwesto si Benliro kag hinali lamang ini nga nagwaras sa wala matumod nga rason. Magluwas sa pagwaras, wala pa nakuntento ang lalaki kag ginpakita pa sini sa mga tagreklamo kag mga bumalakal ang iya kinatawo.
Suno naman sa iban nga nakakita sang hitabo, ginpabugal pa ni Benliro ang kadakuon sang iya armas. Nahibaluan nga yara sa impluwensiya sang makahulubog nga ilimnon ang nasambit nga persona. Madasig naman nga nagpalagyo ang nasambit nga lalaki, pagkatapos sang insidente.
*(Photo from capiznews.com
