Nagpaandam karon sa publiko ang Iloilo City anti-Smoking Task Force ukon ICAST sa mas ginpabug-at nga penalidad para sa mga madakpan nga nagalapas sa anti-smoking ordinance.
Ini may kaangtanan sa natalana nga pag-relaunch sang amended version para sa mas masangkad nga information dessimination anuman nga adlaw subong nga bulan.
Ginpahayag ni ICAST head of operations Karl Maridable, gin-aprobahan sang Sangguniang Panglungsod ang amendment sa ordinansa nga nagapataas sa penalidad para sa mga madakpan nga violators kon sa diin pagamultahan sang isa ka libo ka pesos sa una nga offense; 1,500 pesos sa second offense; kag 5 mil pesos sa third offense.
Suno sa iya nga nagatutok sila karon sa enforcement kag advocacy ilabi na nga nagsugod na ang klase.
Nahibaluan nga naglab-ot na sa 3,103 ka individual ang nadakpan sang task force nga naglapas sa anti-smoking ordinance humalin sang Enero tubtub Mayo subong nga tuig.
