Nagpailang personahe sa RTC nangawat og karne

21

Davao City – Midangop sa San Pedro ang usa ka meat vendor human pugsanon gikawat ang iyang karneng baboy sa usa ka nagpailang personahe sa Regional Trial Court natigayon alas 10:45 sa buntag nahitabo sa may Bankerohan syudad sa Davao.

Base sa blotter sa San Pedro PNP ang complainant naila sa pangalan nga usa ka Bitty Jebi, 50 anyos residente sa Barangay 5-A syudad sa Davao samtang ang suspek nailang si Jerald Toledo pinaagi sa usa ka identification card nga suot niini.

Matud pa samtang kining complainant didto sa iyang stall no. 145 giduol kini sa suspek ug kalit nanguha og usa ka kilo nga pork ribs nga mukantidad og 500.00 pesos.

Wala kini gibayran sa suspek ug nagpaila nga personahe kini sa Regional Trial Court ug nagbahad nga ikulong ang maong meat vendor.

Walay laing nahimo ang complainant ug igo nalang sa pagsumbong sa kapolisan samtang giandam na ang kasong nga estafa nga ipasaka batok sa suspetsado.

RadyoMaN Don Pulayao

Facebook Comments