Nagpailang sundalo gidakop human nakuhaan og peke nga AFP ID ug pistola

59
Davao City – Kasong paglapas sa Republic Act 10591 in relation to Commission on Elections (COMELEC) Gun Ban ug Usurpation of Public Authority ang atubangon sa usa ka nagpailang sundalo, human kini naharang sa checkpoint sa 48th Infantry Battalion (IB) Philippine Army sa Barangay Bitaogan, San Isidro, Davao Oriental alas 5:00 sa hapon niadtong Martes (June 7, 2022).

Sa interbyu sa DXDC RMN Davao kang Police Major Eduardo Corpuz, Station Commander sa San Isidro Municipal Police Station (MPS), giila ang suspek nga si Rodrigo Magpale Gomez, 53 anyos, resident of Purok Malinis, Barangay Bato, Plaridel, Misamis Occidental.

Saysay ni Corpuz, niagi sa checkpoint ang suspek sakay sa iyang motor gikan sa lungsod sa Governor Generoso padulong sa San Isidro ug didto kini nagpailang membro sa Armed Forces of the Philippine (AFP) apan nasuta nga peke ang iyang gipresentang ID.

“Wala siya naka-helmet. Gi-check ang iyahang ID ug lisensya. So, nakita ‘tong ID niya sa AFP. Pag-check kay enlisted ang nakabutang, then ang ranggo captain. Dapat sergeant ‘to. Didto na nabulabog,” sulti ni Corpuz.

Nakuha usab sa posisyon sa dinakpan ang punto 45 kalibreng nga pistola ug mga bala.

Nasayrang aduna nay pending nga kaso ang suspek sa Pagadian tungod sa pagpangilad gamit gihapon ang iyahang ID.



RadyoMaN Kirby Manzon

<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments