General Santos City—tak-om ang baba sa ginikanan sa 9 anyos nga batang babaye nga taga Barangay Poblacion, Tboli, South Cotabato kansa brutal nga gilugos ug gipatay sa suspek nga si Sanny Natibidad Cagalingan, 48 anyos human naghikog ang suspek.
Kahinumduman nga kagahapon sa kaadlawon dihang naghikog ang suspek sulod mismo sa silda sa Tboli PNP ug uwahi n ang namatikdan sa kapulisan.
Una nang namahayag ang pamilya sa biktima nga buot gyud unta nilang madugta sa bilangguan ang suspek human sa brutal niining gihimo sa ilang anak.
Dako ang pagtuo ni Police Chief Inspector Rammil Villagracia, hepe sa Tboli PNP nga posibling wala na maagwanta sa suspek ang usig sa iyang konsensya human sa gihimong pagpatay sa biktima mao nga siya naghikog na lamang.
