ILOILO – Gugma ang nagtulod kay alias Regin nga magsulod sa kahublagan apang kalisod naman ang nagduso sa iya agud baya-an ini kag magsurrender sa militar.
Ginkumpirmar ni Lt. Col. Sisenando Magbalot Jr., commanding officer sang 61st Infantry Battalion sang Philippien Army nga nagsurrender sa ila ang 15 anyos nga si alias Regin matapos ang duha (2) ka bulan nga pag-upod sa rebeldeng-terorista nga New Peoples Army (NPA).
Suno kay Magbalot, posible nareyalisar ni Regin ang kabudlay sang pangabuhi sa kabukiran sa diin saging ukon ‘bungang kahoy’ lamang ang ila ginakaon kon wala sang matipon nga kwarta ang ila lider.
“Narecruit siya… nagmahal, pumasok sa loob at ngayon ay sumurender. Ang kanyang boyfriend nung una ay hindi niya alam na miembro pala ng NPA. One time ay isinama siya ng kanyang boyfriend na ipakilala siya sa kanyang mga kasamahan dun sa loob. From then on, hindi na siya pinalabas,” ang kabahin sang pahayag ni Magbalot.
Sang narecruit na si Regin, ginpaidalum man ini sa lecture-orientation sa kahublagan nga isa ka sahi sang ‘deception’ suno sa militar.
Suno kay Magbalot, nangin obligasyon ni Regin sa kahublagan ang magluto kag ginbtudlu-an man sila kon paano mag-uyat sang armas.
Ang nobyo ni Regin kabahin sang NPA Central Front Panay nga naga-operate sa kabukiran sang Tapaz, Capiz panaog sa bukid sang calinog, Janiuay, Lambunao kag Maasin.
Aminado si Magbalot nga indi ini ang una nga hitabo nga may nagsurrender sa ila nga miembro sang NPA apang sa pagsurrender ni alias Regin, napamatud-an ang ginahimo nga pagpang-abuso sang mga NPA lakip na ang pag guba nila snag bwas damlag sang mga kabataan nga ila ginarecruit.
Suno kay Magbalot, ang mga kabataan amo ang makabig ‘vulnerable’ sa pagpang abuso ilabi pa kon kulang sa pag giya sang mga ginikanan.
Ginatun-an karun sang Philippine Army kon ano pa ang dugang nga bulig nga ila mahatag kay Regine.
Dugang nga pahayag ni Magbalot, “awareness” ang isa sa mga tikang agud makontra ang ginasabwa nga kabutigan sang NPA>
Mas maayo pa gid suno kay Magbalot kon nagabulig ang local government unit kag iban pa nga ahensya kaangay sang DepEd agud mauntat ang ginahimo nga recruitment sang New Peoples Army.
Photo via PHil Army
