Jamindan, Capiz- Arestado ang isa ka persona sa Brgy Santo Rosario sa banwa sang Jamindan matapos ini ang nagmaoy kag nagpalupok sang armasluthang alas 4:45 sang hapon.
Ginkilala ang suspetsado kay Edgar Llamo y Farenas, 39-anyos sang Brgy Jagnaya, Jamindan kun sa diin naobserbahan pa nga ini ang yara sa impluwensya sang makahulobog nga ilimnon.
Ini ang ginharang sang mga katapo sang CAFGU kag mga barangay officials kun sa diin narekober sa iya ang isa ka unit sang .45 caliber pistol kag duha ka mga bala nga wala makalupok.
Natalana nga pasakaan sang kaso nga paglapas sa RA 10591 ukon illegal possession of firearms and ammunitions in relation to Comelec Gun Ban ang nasambitan nga persona.
Facebook Comments
