TACLOBAN CITY – Nagsarang dayon an balita ha social media nga mayada daw aksidente ha kakalsadahan ha Calbayog City, Samar kun diin 26 daw an patay sakay hiton usa nga bus pero ha ginbuhat nga research and interview han RMN News team usa ngayan ini nga fake news.
Umabot pa ha 30, 000 an share han post nga iginkabaraka ngan iginkahadlok han netizens nga mga taga Sinirangan Bisayas.
Ginpost ni Jhon Leynard Avila ha facebook ngan an gingamit na pictures in dida pa han abril kun diin may vehicular accident ha Nueva Ecija.
Ha eksklusibo nga interview han RMN kan PSSupt. Nicholas Torre, PNP Provincial Director han Samar, nabaraka dayon hiya ngan nagpasugo ha iya mga kapulisan para bilngon an nahinabo nga aksidente ha Calbayog pero usa ngayan ini nga peke nga balita.
Nagpadara naman hin mensahe an nagpost nga hi Avila ha RMN, sumala ha iya iginsend la liwat ha iya an mga pictures ha iya facebook ngan iya nala ini iginpost.
Pero sumala kan PSSupt. Nicholas Torre, ipapatrace hiya han PNP ngan kun makit-an nga iya ini gintuyo papasakahn hiya hin kaangayan nga kaso.
“Ipapatrace namin because it’s a violation of Presidential Decree no. 90 or the Anti-rumor mongering law and spreading false information.”
Sanglit sagdon han opisyal ha mga mahilig gumamit han social media nga gamiton ini ha maupay nga panuyuan, diri basta-basta magshare ngan magpost nga magdududrot hiton kahadlok ngan pagpanic han publiko.
