Davao City – Kritikal ang usa ka trabahante human pusila sa nakamotor nga walay plaka sa may Brgy.23- Mini Forest, Boulevard ning siyudad pasado 8:00 kagabii.
Samad pinusilan sa abaga ang nahiagoman sa biktima nga si Jayson Mamalangcac, 22 anyos, ulitawo ug nagtrabaho sa ukay-ukayan sa maong lugar.
Sa impormasyon, samtang nagbaktas si Mamalangcac uban ni Christian Bitoy kalit na lamang sila gihunongan og motorsiklo sakay ang mamumuno ug gipamusil.
Paspas nakasibat ang suspetsado human nangaigo ang mga biktima gamit ang dili pa matino nga matang sa pistola.
Gilayon gidala sa Southern Philippines Medical Center ang mga biktima kinsa si Bitoy posibling ipailawom sa operasyon tungod wala nakagawas ang bala sa iyang lawas.
Nasayran nga midangop sa Department of Labor and Employment ang duha gumikan sa pagmagahi sa ilang agalon sa paghatag sa mga benepisyo nga ilang gipangayo.
Busa nagtoo ang mga biktima nga ang ilang agalon sa ukay-ukayan ra ang nagsugo sa mga mamumuno aron patyon sila.
RadyoMaN Joel Viray
