General Santos City–Nangayo nag pakitabang ang pamunuan sa Lun Padidu National Highschool human silang giharass sa mga claimants sa luna nga gitindugan sa maong tunghaan sa maong barangay niadtong adlawng Lunes.
Sumala ni mam Agnes Caberoy, assistant principal for operation and Student support nga kalit silang gisulod sa mga claimants sa 1.8 hectares nga luna dayon gipaundang ang construction sa 2 ka andalang school building nga iyaha sa senior highschool.
Dugang pagbutyag ni Caberoy nga midangop sila sa Malapatan PNP aron unta nga magpatabang apan wala sila gitabangan gumikan rason sa PNP dili sila makapatunga sa komplekto sa luna gawas lang kung may kumusyon nang nahitabo sa lugar.
Gikadismaya kini sa mga magtutudlo sa maong tunghaan gumikan dili man pribado ang eskwelahan inay gipanag-iyahan kini sa gobyerno mao nga dapat lang unta silang maghatag ug seguridad sa mga estudyante ug mga magtutudlo.
Nasayran nga nagbahad nag mga claimants nga ilang pasarad-an ang tibuok eskwelahan sunod bulan.
