NAGSADSAD | Barko nga may karga nga mga semento, nagsadsad malapit sa puerto sang San Jose, Antique.

2466

Nagsadsad malapit sa pwerto sang San Jose, Antique ang M/V Starlite of Liberty pasado alas 10 kaina sang aga.
Ini bangud sang mabaskog nga hangin kag wala untat nga pag-ulan.
Ginpahayag ni Philippine Coast Guard Western Visayas Spokesperson Ramil Palabrica, humalin pa sang Martes ang barko sa anchorage area apang kaina hinali lang nakakas ang angkla sang barko rason nga nagsadsad ini sa higad sang baybay.
Natigayon naman nga marescue naman ang 22 tanan ka crew sang barko kalakip ang ila kapitan nga si Arnold Martinez.
Ginamonitor man sang PCG-Antique ang barko sa possible pagluntad sang oil spill.
Nakahanda naman ang Coast Guard magbutang sang oil spill booms sa tion nga magka-oil spill sa lugar.
Ang M/V Starlite of Liberty isa ka Cargo Vessel halin Cebu nga may karga nga mga semento.

Facebook Comments