General Santos City–Nagpadayon ang gihimong imbistigasyon sa Police Station 1 sa nahitabo na usab nga pagpamusil sa usa ka biktima alas 7:15 ang takna sa may Bulaong Road, Barangay West Gensan duol lang sa 7/11 ug Petron.
Biktima nga giilang si Aubrey Agodo Abegaron, legal age, residenti sa Atis Street, kansa gilayong gidala sa St. Elizabeth Hospital human nga nakaangkon kini ug samad sa iyang likod nga milapos sa iyang dughan.
Sumala ni Police Chief Inspector Ruel Abejero, Hepe sa Police Station 1 nga nagsakay matud pa ang biktima sa tricycle dihang kini gipusil sa wala mailhing suspek nga nakamotorsiklo
Paspas nga misibat ang mga suspek samtang ang biktima nadala pa sa balay tambalanan apan alas 9:00 pasado ang takna kagabie, nakabsan kini sa iyang kinabuhi. Sa karon ginasuta pa sa kapulisan ang motibo ug ang suspek sa maong krimen.
