General Santos City–Naglaom si Gensan City Councilor Franklin Gacal, Chairman sa Committee on peace and order and Police Matter sa Sanguniang Panglungsod nga himuon sa Gensan City Police Office ingon man sa Joint Task Force Gensan ang tanan aron nga mapanalipdan ang syudad sa Gensan gikan sa bahad sa mga armadong grupo.
Kini ang pahayag sa Konsehal human nga natigayon ang pagbusikad sa Bomba sa Koronadal City kagahapong adlawa.
Gibutyag sa konsehal nga human sa nahitabo sa Koronadal gilayon man nga gimando ni Gensan City Mayor Ronel Rivera ngadto sa kapulisan sa syudad nga ipailawom sa Alert level 3 ang dakbayan aron nga malikayang malutsan sa mga teroristang grupo.
Hinuon makit-an man ni Konsehal Gacal ang pagpaningkamot sa kapulisan ug sa militar nga dili malutsan pinaagi sa pagpatuman ug hugtanong seguridad.
