Davao City – Nailhan na sa Buhangin Pnp ang nag-samurai-patay sa usa ka 13 anyos nga batang lalake sa Barangay Indangan, Buhangin District ning siyudad.
Gisubay na sa kapulisan ang lugar kung asa posible nagtago ang duha ka suspek nga sila si Dennis Rabutan, 21 anyos, Reynaldo Guinita, 21 anyos, ug laing duha nga wala pa mailhi hangtud karon.
Ang mga suspetsado positibo gitudlo sa mga testigo nga maoy misamurai patay ni Alyas Jenoel Ron, 13 anyos, ug residente sa Barangay Indangan, distrito sa Buhangin ning dakbayan.
Sa inisyal nga imbestigasyon, gisamurai sa makadaghang higayon ni Rabutan ang menor-de-edad tumong sa ilok nga nahitabo sa Amakan, Cabantian, alas 3:00 sa kahapunon.
Daling gidala sa Southern Philippines Medical Center ang biktima ug gideklara kini sa doktor nga 50/50 ang kahimtang apan pag-abot sa 6:00 sa kagabhion gideklara nga patay si alyas Jenoel.
Wala pa masayri sa mga imbestigador ang motibo sa pagsamurai patay sa biktima kinsa gikan naglamay sa namatay niyang lolo nga gihaya sa Barangay Indangan.
RadyoMaN Joel Viray
