Naila na sa kapolisan ang usa ka lalaki, nga nakit-ang patay sa Zone 7-Mambatangan, Upper Puerto ning syudad niadtong adlawng Sabado.
Matud ni Police Chief Inspector Ian Borinaga, naila ang biktima nga si Jeric Paday Sampaga, 20 anyos, taga Purok 7- Barangay Casinglot Misamis Oriental.
Nasayran nga nakit-an ang biktima nga naghayang og wala nay kinabuhi, suot ang usa ka violet nga tshirt, maong nga shortpants, ug wala nay suot nga tsinelas.
Sa imbestigasyon sa Scene of the Crime Operatives kon SOCO sa biktima, naangkon niini ang marka sa liog, wala ug tuo nga pulso, ug tuhod.
Sa pagkakaron gidala na ang biktima sa Bollozos Funeral Homes, aron nga ipaubos sa otopsiya.
Sa pagkakaron padayon pa nga gisuta sa kapolisan kung unsay motibo sa pagpatay sa biktima.
By: Aiza Mishelle Enloran
