General Santos City–Nadala sa balay tambalanan ang usa ka birthday boy human kining gidunggab ug gipuspusan sa wala pa mailang suspetsado kagahapong adlawa.
Biktima nailang si Bobby Sonido, 40 anyos, ulitawo, residente sa Purok Olaer Brgy Apopong ning syudad.
Sa nakuhang impormasyon gikan sa DR. George Royeca Hospital, alas 4:20 ang takna sa hapon samtang nag-inom ang biktima ug mga amigo niini isip pagsaulog sa iyang adlawng natawhan kalit nga misampa sa ilang inom ang suspetsado ug saw ala masayring hinungdan gilayong gidunggab niini ang biktima gamit ang ice pick.
Igo sa iyang likod ang biktima ingon man sa ulo niini human kining gipuspusan sa suspetsado gamit ang botelya sa ilimnong makahubog.
Dayon usab nga gidala sa mga kabanay ang biktima ngadto sa balay tambalanan, samtang suspek sa krimen ang malampusong nakasibat.
