NAGSURRENDER | Duha sa tatlo ka suspek nga nagpatay sa Indian National sa banwa sang Sta. Barbara, nagsurrender na sa mga otoridad.

Duha na sa tatlo ka mga suspek nga nagpatay sa Indian national nga si Harvender Singh alyas Sidho ang nagsurrender sa mga otoridad.

ini ang ginkumpirmar ni Police Sr. Inspector Rey Pabalan, hepe sang Sta. Barbara PNP.

Suno kay pabalan nga isa ka suspek ang nagsungka sa National Bureau of Investigation kag isa man ang nagsungka sa Sta. Barbara PNP kon sa diin isa diri ang menor de edad.

Ginpahayag pa ni Pabalan nga may surrender feeler naman gikan sa isa pa ka suspek sa nasambit nga krimen.

Madumduman nga sang Martes sang gab-i, sang masapwan nga patay kag wawa ang liog sang biktima sa barangay Lupa, Sta. Barbara, Iloilo.