Naglab-ot na sa 6,135 OFWs ang nalista nga infected sang HIV-AIDS halin 1984 tubtob sa pagsulod sang Disyembre 2018.
Suno kay ACTS-OFW Partylist Representative John Bertiz, sa 6,135 nga may HIV-AIDS, 86% diri ukon 5,280 ang mga lalaki.
Santo sa National HIV/AIDS Registry, naghampak na sa 59,135 confirmed cases ang mga Pilipino nga nagpositibo sa HIV-AIDS.
Ginpamilit ni Bertiz nga dapat pabaskugon pa sang gobyerno ang kampanya kontra HIV-AIDS.
Ginpahayag sang kongresista nga dapat ang POEA kag OWWA ang may mas masangkad nga preventive education sa HIV-AIDs sa mga OFWs kag sa ila pamilya.
Base sa DOH, tunga lang sa mga Pilipino nga may HIV-AIDS ukon yara lang sa 31,458 ang nagapaidalom sa Antiretroviral treatment (ART).
(photo from web)
