![Damaged oval stamp with the words - the police - illustration](https://i0.wp.com/rmn.ph/wp-content/uploads/2020/10/POLICE-11.jpg?resize=696%2C292&ssl=1)
Nabungguan sang motorsiklo ang isa ka mangunguma samtang nagatabok sa dalan sa bahin sang Provincial road, Purok Riverside, Barangay Yangco, Banga South Cotabato, pasado alas 5:00 sang hapon kahapon nga adlaw, Oktubre 18, 2020.
Ang biktima ang ginkilala kay Juan Lara Alegria Jr., 56-anyos, single, mangunguma kag residente sang nasambit nga lugar.
Sa imbestigasyon ang motorsiklo ang halin sa Brgy. Poblacion padulong sa Barangay Rang-ay sa nasambit nga banwa kag pag-abot sa lugar nagtabok ang biktima sang nabungguan sang motorsiklo sakay ang tatlo ka mga persona.
May-angot sini, nakaangkon ang biktima sang pilas sa mga nagkalain-lain nga parte sang iya nga lawas nga gilayon man nga gindala sa Januaria Marcial Clinic and Hospital sa nasambit nga banwa.
Samtang ang mga suspek ang gilayon man nga nagpalagyo sakay sa ila nga motorsiklo.