Davao City- Dakpan sa CIDG Davao City Field Unit, ang nagtakubang sakop sa National Bureau of Investigation (NBI) atol sa entrapment operation sa Crocodile Park, Diversion Road, Davao City.
Giila ang suspek nga si Matias Canque Relacion.
Sa interbyu sa DXDC RMN Davao kang Maj. Milgrace Driz, chief sa Criminal Investigation and Detection Group in Davao Region (CIDG-11), daghan nang nadawat nga reklamo ang ilang buhatan ug adunay concerned citizen nga nireport sa mga illegal nga transaksyon sa suspek.
“Adunay mga negatibo ug mga illegal activities nga gihimo, accordingly namaligya’g cyanide ug mga firearms. Ug usa sa mga gitan-aw namo karon nga kada transaction gamiton niya ang mga pangalan allegedly ahensya nga gigamit,” segun niini.
Nilusad og entrapment operation ang CIDG XI batok sa dinakpan ug positibo napalitan kini og armas. Nakuha sa posisyon niini, ang usa ka unit Ingram sub machine gun nga adunay Serial number nga 12772, 2 ka mga magazine, mga bala, .38 caliber revolver, NBI IDs, ug silver toyota vitz.
Gikumpirma ni Driz nga subay sa ilang inbestigasyon, gikumpirma sa NBI nga dili konektado ang suspek sa ilang ahensiya.
Mag-atubang sa kasong paglapas sa RA 10591 (Firearms and ammunition law ) ug ART 177 of the Revised Penal Code kun Usurpation of Official Funtion.
RadyoMaN Aimee Guinita
