Nagtaliwan na ang founder sang regional newspaper nga Panay News nga si Mr. Daniel “Danny” Fajardo sa edad nga 72 anyos.
Sa official statement sang Panay News, ginpahayag nga ginbawian sang kabuhi sa Fajardo kagab-i sa Asian Hospital and Medical center sa Alabang, Muntinlupa.
Si Fajardo nga nagserbe man bilang Publisher kag editor-in-chief sang nasambit nga pamantalaan sa sulod sang pila ka dekada ang ginakabig man bilang isa sa mga haligi sang Media industry sa Western Visayas.
Ini siya ang nangin Presidente sang Iloilo Press Club sang makapila ka beses kag nagahost man sang radio program nga “Reklamo Publiko”.
Nahibaluan nga nagpaidalum si Fajardo sa triple heart bypass surgery sang bulan sang Agosto kag nakaguwa na sa ospital apang kahapon sang hapon ginbalik ini sa ospital bangud sa paglain sang iya pamatyag kag lubos nga nagtaliwan kagab-i.
