General Santos City—Tingkagol na karon sa silda sa Police Station 7 ang usa ka 27 anyos nga lalaki nga giilang si Romeo Basa, residenti sa Block 1, Phase-A, Barangay Fatima, Gensan human naaktuhang iyang ginatudluan ang mga minor de edad sa pagduha sa coin slot machine o mas nailhang Tolendoy didto mismo sa ilang lugar.
Naaktuhan ang nasangpit nga iyang ginatudluan ang mga bata alas 3:30 ang takna sa hapon, niadtong nakalabayng adlaw sa nagpatrolyang mga pulis.
Tungod niini gidakop ang nasangpit ug gibalhog sa silda sa Police Station 7. Samtang gikumpiska usab sa kapulisan ang Coin Slot machine nga nakaplagan sa maong lugar. Gikatakda usab nga pasakaan ug kaso ang nasampit nga suspetsado.
Facebook Comments
