South Cotabato—Patay ang usab ka minero human nahagsa ang usa ka parti sa Tunnel nga iyaha sa Tribal Mining Corp (TMC) sa may Barangay Kematu, T’Boli, South Cotabato kagahapon sa buntag.
Ang biktima giilang si George Mana, 31, taga Baguio City ug temporaryong nagpuyo sa lungsod sa Tboli.
Subay sa inisyal nga imbistigasyon sa kapulisan nasuta nga nahagsa ang bato nga anaa sulod sa Tunnel nga hinungdan nga natabonan ang biktima nga miresulta sa kamatayon niini.
Nasayran nga gidala pa sa ospital ang biktima apan gideklara kining dead on arrival.
Sa karon naghimo nag imbistigasyon ang Mines and Geo-sciences Bureau (MGB) kalabutan sa insidenti ug higayon nga mugawas na ang resulta sa imbistigasyon, dinhi na masayran kung tugutan pa ba nga makaoperate ang maong mining company.
