Cuartero, Capiz- Naharang sang mga katapo sang Cuartero Municipal Police Station kag DENR CENRO-Mambusao ang mga tablon sang ginserahe nga kahoy alas 5:30 sang hapon sa Brgy. Mainit, Cuartero, Capiz.
Gina-imbestigahan pa sa subong kun sin-o ang tag-iya sang narekober nga mga tablon kag truck nga may yara sang Plate No. FEZ-302 nga amu kuntani ang kargahan sang kahoy matapos nga hinali nagpalagyo ang tatlo ka mga wala makilala nga mga persona nga nagadiskarga sang amo nga mga kahoy.
Ginabanta nga nagalab-ot sa 1500 board feet ang estimated nga volume sang ginserahe nga tablon sang Mahogany kag Gemilina. Samtang narekober man sang mga kapulisan ang liyabe sang amu nga truck kag isa ka unit sang chainsaw.
Magapangatubang sang kaso nga paglapas sa PD 705 ukon Revised Forestry Code of the Philippines ang mga persona nga tag-iya sang chainsaw, kahoy kag truck.
photo ⊙ Cuartero PNP
