Roxas City, Capiz – Isa ka persona ang nahulog gikan sa 3rd floor sang isa ka building sa Alvarez Subdivision Brgy. 10, Roxas City pasado alas 4:00 kaina sang kaagahon.
Ginkilala ang biktima kay Rustico Serna, 57-anyos ang pang-edaron kag tumandok sang Probinsya sang Bataan. Suno sa panaysayon sang gumangkon sini nga si Alvin Serna, aga na sang nasapwan sang mga kaupdanan sini ang lawas sang biktima nga brief na gid lamang ang panapot sa lawas.
Nahibaluan nga nagarenta gud lamang ang nasambit nga biktima upod sa mga kaupdanan sini sa nasambit nga building ukon apartment bangud nagatrabaho ang mga ini sa isa ka gina construct nga building sa Pueblo de Panay sa Barangay Lawaan, Roxas City. Ginatul-id pa sa subong sang mga kapulisan kun may yara sang foul play sa kamatayon ni Rustico Serna.
