Kapitan nga nagtuyo agawon ang kutsilyo sa suspek nga tuyo manggamo sa baylihan, ginbuno – patay

Gindeklara nga dead on arrival sa hospital si Punong Barangay Primitivo Santiago sang Brgy. Tigunhao, Lauan-an , Antique matapos ginbuno sang suspek nga ginkilala kay Darwin Samillano, 22 anyos kag residente sang Brgy. Giamon, Laua-an, Antique sang Dominggo sang gab-i, Abril 29.

Base sa imbestigasyon sang Laua-an MPS, nagsulod sa baylihan si Samillano nga may dala nga kutsilyo rason nga ginkadtuan gilayon sang kapitan agud makumpiskar ang kutsilyo kag mapunggan ang malain nga tuyo sang suspek.

Ginapahayag nga wala naabtan ni Santiago ang suspek sa baylihan kabangdanan ila ini ginsundan upod ang mga kagawad kag tanod tubtob nakalab-ot sila sa balay ni certain Rufino .


Nagluntad ang pag-agaway tubtob ginbuno sang suspek si Santiago sa li-og nga gintunaan sang iya kamatayon.

Natigayon nga madakpan sang kapulisan si Samillano .

Facebook Comments