Natumbok na sa mga sakop sa NBI Region 10 ingon man sa mga NFA officials ang shipment sa bugas nga anaa naka standby sa port area dinhi sa Rehiyon 10.
Matud pa ni Atty. Alex Cabornay sa NBI Region 10 , nga sila maoy gitahasan sa Secretary of Justice nga maoy mosusi sa issue sa rice hoarding dinhi sa rehiyon.
Sa dihang mihimo sila ug inspection, nadiskubrehan nga walay bugas available sa mga warehouse gumikan kay anaa kini naka standby sa maong sea port.
Matud ni Cabornay, nga duna nay mando ang ulohang buhatan sa Bureau of Customs aron i- release ang nasangpit nga mga bugas.
Gilauman ni Atty. Cabornay nga sa sunod nga mga adlaw aduna nay mapalit nga baratong bugas sa pipila ka lugar dinhi sa rehiyon gumikan usab sa panawagan niini nga ipang apod-apod kini sa rice traders ug ibaligya sa mas barato nga presyo.
Nagpahimangno usab si Atty. Cabornay sa mga traders nga dili mupasaka sa ilang presyo sa bugas.
*photos from Atty. Alex Cabornay*
