Davao City – Kasong Reckless Imprudence resulting to Homicide ang atubangon ni Franco Alba, 24 anyos human kini nakabangga-patay sa Brgy. New Katipunan, Matanao, Davao del Sur alas-6 sa gabii niadtong Huwebes (July 16, 2020).
Naila ang biktima nga si Lolita Vereño, 55 anyos, minyo ug residente sa nahisgutang barangay.
Subay sa imbestigasyon sa Matanao Municipal Police Station, usa ka KIA Frontier Double Cab Dropside ang naka parking kilid sa kalsada ug sa pagpalarga niini sa driver, aksidente niining nabanggaan ang biktima nga nagbaktas sa karsada.
Ang biktima nakahiagom og daghang bun-og ug samad sa iyang lawas ug nadala pa sa Davao del Sur Provincial Hospital apan gideklara na kining Dead on Arrival (DOA).
RadyoMaN Kirby Manzon
Facebook Comments
