General Santos City–Gikumperma ni Ryan Amper, Spokesperson sa grupong Barug Katungod Mindanao nga nakagawas na sa prisohan ang tanang 11 ka mga aktibista ug church workers nga una nang gidakop ug gikasuhan ug Obstruction of justice sa kapulisan ug sa militar niadtong nakalabayng simana.
Sumala ni Amper nga Byernes sa gabie dihang hingpit nga nakagawas sa Police Station 1 ug Police Station 4 ang mga aktibista human silang nakapyansa ug tig P36,000.00 matag usa.
Nag ambag-ambag matud pa ang mga nagkandaiyang organisasyon ug mga kabanay sa mga nahisgutan aron nga makapyansa ug maangkon ang temporaryong kagawasan.
Gikumperma usab ni Ryan Amper nga nakauli na ang maong mga aktibista sa tagsa nila ka mga lugar.
Nasayran nga sagad sa mga gisikop gikan sa Northern Mindanao samtang ang tulo pulos mga church workers nga mga taga Gensan. Niadtong adlawng Domingo mibyahe padulong Misamis Oriental ang siyam ka mga aktibista.
Samtang ang duha usa ka mga personahe partikular ang gikaingong miyembro sa NPA ang nabilin sa silda sa kapulisan sa Gensan kansa takda usab nga ibyahe padulong ngadto sa ilang lugar.
