Nakaiyanakan nga ili ni dati a Presidente Ferdinand E. Marcos, rinambakna iti maika-102 a tawen a panagkasangayna

44

iFM Laoag – Rinambak iti Sarrat Ilocos Norte ti makaisangagasut ket dua 102nd a panagkasangay ti banwar ken dati a Presidente ti Pilipinas a ni Ferdinand Edralin Marcos ita nga aldaw, Setyembre 11, 2019.
Segun kenni Police Major Marlon S. Padamada, Officer-in-Charge iti Sarrat Municipal Police Station, inbatadna a nakalawas ti nagbalin a preparasyonda iti panangrambak dagiti umili kas malagip nga iti ili ket isu ti nakaipasngayan ti dati a Presidente idi tawen 1917.
Naiget iti nagbalin a preparasyon dagiti kameng ti pulisya nga inatendaran ni Vice Governor Cecilia Araneta-Marcos nu man iti nagcentroan ti selebrasyon ket idiay Batac City, Ilocos Norte. Sangagasut a porsiyento met ti attendance dagiti amin nga opisyales iti ili, ti panangidadaulo ni Mayor Remigio Medrano, iti PNP Sarrat ken pakairamananna dagiti Barangay Officials.
Nagbado iti maris nalabbaga amin nga immatendar kas panangipakita da ti kinaloyalista da a “pro marcos”, pati natataenganen ket immatendar kas panangipakitada iti panangraem ken pananglagipda iti dati a Presidente.
Malagip nga iti dati a Presidente ket nagbalin a legasiya nga indauloan na iti Pilipinas idi tawen 1965-1986 ken binansagan dagiti kontra kenkuana kas maysa a diktador gapu ti panangideklarana ti kontrobersyal a Martial Law iti intero a pagilian idi tawen 1972-1981.

Joe Ann Agustin, RMN News


Facebook Comments

From Advertisers