Davao City – Pamilya nga nagpaabot sa gawas ang gikuhaan og kusog sa duha ka tropa sa 701st Infantry Brigade aron maningkamot nga makaikyas sa kamot sa mga New People’s Army kinsa nidagit kanila niadtong Hunyo 10,2018.
Wala sayangi ni Dindo Sagayno usa ka CAFGU Active Auxiliaries (CAA), ang tsansa nga maikyas atol sa nahitabong gyera tali NPA ug militar.
“Nagbungkag-bungkag na sila gibiyaan ko nila ug wala nay nagbantay sa akoa mao tong nakalugar ko’g ikyas, mag-usa ka bulan ko nga bihag,” sumala ni Sagayno.
Samtang nagmalampuson usab si CPL. Johannes Parreño kinsa duha ka bulan kapin isip bihag sa NPA sa iyang plano aron lamang makatakas sa mga gabantay kaniya.
“Nag-isip ako ng mabuti kung ano ang pwede kong gawin. Pagtulog may dalawa akong NPA custodian, ang ginawa ko sa bag ko ginawa kong ako at nilagyan ko ng malong para maghawak nila para akong pa rin at saka gumapang na ako,” sumala ni Parreño.
Sumala sa mga nakaikyas nga sakop sa militar nga maayo ang pagtratar kanila sa mga NPA samtang bihag pa sila.
Gibutyag ni Eastern Mindanao Command Lt. Gen. Benjamin Madrigal nga napailawom na ang duha sa medical examination ug stress debriefing.
Nipasalig si Special Assistant to the President Christopher Lawrence “Bong” Go nga iyang istoryahon si Presidente Rodrigo Duterte alang sa mga itunol nga pasidungog sa mga sakop sa armadong kusog kinsa luwas nga nakabalik sa ilang mga pamilya.
“I-recommend ko po na mabigyan sila ng promotion at the same time iyong Lapu-lapu award ni Presidente Rodrigo Duterte sa kanilang magiting na pagtakas sa kamay ng kanilang mga hostage takers o mga bumihag sa kanila,” sumala ni Go.
Sa hiniusang panawagan sa gobyerno ngadto sa mga New People’s Army nga nakaandam na ang mga ayuda para sa tanang mga rebeldeng mutahan sa ilang mga kaugalingon sama sa gihimong pag-surrender ning bag-uhay lang sa usa sa mga political instructor nga si alyas Jaya.
RadyoMaN Aimee Guinita
