Roxas City, Capiz- Personal nga nagpadulong sa stasyon sang dyVR ang Capizeña OFW agud nga magpasalamat matapos ini ang na-rescue kag nakapauli na sa Pilipinas.
Si Maricel Biba nga tagabanwa sang Panay ang una na nga gin-rescue matapos ini ang nagpangayo sang tabang sa iya pamilya nga ini ang indi na makatakod bangud sa indi husto nga pagtratar sang iya amu.
Sa interview kay Biba, emosyonal sini nga ginsaysay kun anu ang mga eksperiensya sang siya ang wala pa ma-rescue gikan sa ginatrabahoan nga pamilya sa Al Farwaniyah, Al ‘Āşimah, Kuwait.
Suno diri nga halos tatlo gid lamang ka oras ang pahuway sini kabangdanan nga siya na ang nagbalatian.
Ang malala pa kay siya ang ginapalimpyo sang poluy-an sang anak sang iya amo nga wala sa ila kontrata. Wala man ini ginapakaon sang husto.
Suno diri nga tuman nga trauma ang iya nga nabatyagan.
Matapos nga marescue, siya anay ang nagtener sang kapin sa anum ka bulan sa embahada sang Pilipinas sa Kuwait kaupod ang iban pa nga mga OFW nga may kasubong sa iya nga nadangtan. Nahibaluan nga Hulyo 2016 sang naghalin sa Pilipinas si Maricel kag ini lamang ang nagabuhi sa tatlo niya ka mga kabataan nga babaye.
