Nakaguwa na sa prisuhan sang Mandurriao Police Station ang scammer nga si Noemi Pinuela matapos magbayad sang 18 mil pesos nga piyansa alas 5:30 kahapon sang hapon.
Ginkumpirmar ni Police Chief Inspector Marlon Valencia, hepe sang Mandurriao PNP nga gilayon nila nga gin-release si Pinuela matapos magbayad sang piyansa para sa temporaryo sini nga kahilwayan.
Nahibaluan nga gin-aresto si Pinuela sang nakaligad nga hapon sa kaso nga estafa pinaagi sa warrant of arrest nga ginpapanaug sang korte.
Ini siya ang gin-akusahan nga nagpanonto sa iya mga kliyente nga iya ginganyat nga mag-invest sang kuwarta kabaylo sang daku nga balik sang investment .
Facebook Comments
