South Cotabato—dili IED inay usa ka claymore mine nga may nakakabit nga siyam ka metro nga electrical wire ang nakaplagan sa usa ka residenti sa Sitio Colombong, Barangay Dumangas, Tboli, South Cotabato sa nakalabayng adlaw.
Sumala ni Police Chief Inspector Ramil Villagracia, hepe sa Tboli PNP nga gikumperma sa Explosive Ordnance Division team sa South Cotabato nga dili IED ang nakaplagan sa lugar.
Ang claymore mine usa ka matang sa eksplosibo nga gidesenyo matud pa alang sa mga sakyanan. nasayran nga una nang gikaalarma sa mga residenti sa lugar ang nakaplagang eksplosibo.
Usa sa mga gitutukang anggulo sa Tboli PNP sa pagbilin sa maong claymore mine sa lugar mao ang pagpanghadlok o dili ba kaha ekstorsyon. ang lugar hain nakaplagan ang eksplosibo duol matud pa sa plantasyon nga iyaha sa Sumifru Philippines.
Usa usab sa mga ginatan-aw nga rason sa kapulisan mao ang nagsingabot nga anibersaryo sa NPA karong Disyembre 26.
