General Santos City—Patay nang nakaplagan ang usa ka gwardya didto mismo sa gitrabahuan niini sa Fanvill Hardware Inc. nga nahimutang sa J. Catolico, Barangay Lagao, Gensan, alas 5:50 ang takna sa kaadlawon sa nakalabayng adlaw.
Biktima giilang si Roger Sabanon, 34, residenti sa Balite, Subd., Gensan.
Sa inisyal nga imbistigasyon sa kapulisan nasuta nga nakaplagan nalang sa iyang kaubanan ang biktima nga nagbuy-od na ug wala nay panimuot.
Gilayon kining mireport sa kapulisan diin ila dayong girespondihan ug dihang gisuta nasayran nga wala nay kinabuhi ang nasangpit.
Sa paghiling sa patayng lawas sa biktima wala may nakaplagang samad o timailhan nga kini gituyo ug patay.
Natural Death ang gituohan sa kapulisan sa kamatayon sa nasangpit nga gwardya., hinuon gikatakdang ipailawom sa post mortem examination ang patayng lawas sa biktima aron masuta ang tinuoray nga hinungdan sa kamatayon niini.
