Nakatala og laing siyam ka bag-ong kaso sa Covid-19 ang probinsya sa Zamboanga del Sur kagahapong adlawa

24

Pagadian City – Alas 4:00 kagahapon gipagawas sa Zamboanga del Sur Molecular Laboratory ang ulahing sa mga specimen swab nga ilang gitest. Nagpositibo sa Covid-19 ang 44-anyos nga babaye nga government employee nga taga Purok Gin-awa, Tawagan Norte, Labangan, Zamboanga del Sur. Kompermadong nataptan usab sa maong virus ang 48-anyos nga lalaki nga empleyado sa gobyerno nga taga- Purok 4, Upper Salug Daku, Mahayag, Zamboanga del Sur. Usa ka 28-anyos nga lalaki usab nga residente sa Purok Ferdinand, Sto. Niño, Pagadian City ang nagpositibo sa naasoy nga virus. Laing nagpositibo ang 48 nga babaye nga taga- Purok Makiangayon, Napolan, Pagadian City.
Dugang sa nataptan ang 24-anyos nga babaye nga taga Purok 1, Regla, Guipos, ning probinsya. Laing 24-anyos nga babaye usab nga government employee nga taga-Purok 3, Nilo Tigbao ang nasayran nga nataptan sa maong virus. Usa ka 44 anyos nga babaye nga taga Purok Golden Shower, San Isidro, Mahayag ang natakbuyan usab sa virus. Ang 58 anyos nga babaye nga taga Purok 4, Mati, San Miguel ang nataptan usab sa virus. Samtang ikasiyam ang 59-anyos nga babaye lumulupyo sa Purok Malinawon, Poblacion, Kumalarang, Zamboanga del Sur. Sa kinatibuk-an mikabat na sa 180 ang aktibo nga kaso sa probinsya.

Facebook Comments