Natumod na sang mga kapulisan ang suspetsado sa pagpatay sa negosyante sa Iloilo Terminal Market sang nagligad nga Hulyo 13, subong nga tuig.
Suno sa kay Police Supt. Jonathan Pablito sang Police Station 1 nakilala na nila ang mga suspek nga nagluthang sa negosyante nga si Ranny Bibanco, 33-anyos, sang Trance st., Barangay 2, Tigbauan, Iloilo.
Apang aminado ini nga nabudlayan sila magpangita sang testigo bangud sa kahadluk nga dumtan sila sang mga suspect.
Paagi sa enhanced CCTV footages natigayun nga maklaro ang hitsura sang mga suspetsado kalakip ang serye sang nakuha nga kopya sang footages humalin sa crime scene, gin-agyan sang mga suspetsado tubtob sa ginpadulongan nila nga barangay sa Lapuz.
Facebook Comments
