Roxas City, Capiz- Nakilala na ang suspek nga nagbuno-patay sa biktima nga si Jayson Barredo pasado alas 11 sang gab-e sang nakaligad nga Mayo 31, 2018 sa Sitio Patag Brgy. Lawaan, Roxas City.
Ginkilala ang suspek nga amo si Mark Jhon BaƱo y Escala, 21-anyos isa ka security guard kag taga-Brgy. Agambulong banwa sang Jamindan.
Suno kay SPO3 Moonyen de Joseph, ginsiling ni Jomar Aldea y Culasino nga samtang siya ang nagapamahaw sa isa ka restaurant sa Sitio Patag Barangay sang Lawaan, natandaan sini ang nawong sang suspek nga amo ang nagbuno sa iya abyan.
Sa matandaan base sa record sang Roxas City PNP, wala gid matabangan ang biktima nga si Jayson Barredo matapos nga ginbuno sang suspek sa dughan.
Una diri, nagalakat ang grupo sang biktima sang nagluntad ang komosyon sa tunga sang suspek nga ginsundan naman sang amo nga insidente.
Suno kay de Joseph, ginaproseso na nila ang pagpasaka sang kaso nga homicide kontra sa suspek nga si Mark Jhon BaƱo.
Sa subong padayon pa nga ginahibalo sang mga kapulisan kun sin-o ang kaupod nga driver sang suspek .
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
