General Santos City—walay nakit-ang Foul Play ang Alabel Muncipal Police Station sa kamatayon sa biktimang si Danilo Galudo, 48, residenti sa Purok Araya, Barangay Tokawal, Alabel, Sarangani Province kansa una nang nakaplagang patay sa sapa nga sakop sa Purok Blaan, Barangay Alegria, Alabel Sarangani Province.
Nasayran nga alas 8:00 sa buntag na sa nakalabayng adlaw dihang nakaplagan ang patayng lawas sa biktima nga nagbuy-od na sa sapa sa maong lugar.
Subay sa inisyal nga imbistigasyon nasuta nga ayha nakaplagan ang patayng lawas sa biktima, nakig-inum ang nasangpit ngadto sa iyang bayaw, pila ka oras ang nakalabay, miuli ang biktima sakay sa iyang bisiklita apan natingala ang pamilya niini nga wala siya makaabot sa ilang balay mao nga ilang gipangita.
Nagtuo ang kapulisan nga tungod sa tumang kahubog nalumos ang nasangpit sa sapa dungan sa iyang pagtabok tungod taas ang tubig niadtong higayuna sa maong sapa.
