Davao City – Gipang-recycle sa Davao City Environment and Natural Resources Office (Cenro) ang ilahang mga nakolektang mga election materials dinhi sa dakbayan.
Gibutyag ni CENRO officer-in-charge Engr. Marivic Reyes sa interbyu sa RMN Davao nga ila kinig gihimong mga signages sama sa mga pahibalo sa oras sa paglabay sa basura sa pipila ka mga garbage collection points sa mga highways.
Matud ni Reyes nga ang ubang mga posters gidala nila karon sa sanitary landfills.
Gikanayon ni Reyes nga nagpadayon gihapon ang CENRO sa ilahang pagpanglimypo sa mga nahibiling mga posters.
Nanawagan karon ang CENRO sa mga kandidato ang atimanon ang mga wala pa nila nabaklas nga mga posters ug election materials.
Sa obserbasyon sa CENRO nga sagad sa mga lisod pananggalon karon ang mga posters nga grabe ang pagpilit sa mga pader.
Gisulti ni Reyes nga maayo usab kay naginisyatibo ang pipila ka mga opisyales sa barangays diha sa pagpangbaklas.
RadyoMaN Aimee Guinita
