General Santos City—Gikumpiska sa mga sakop sa Police Station 6 ang
mukabat sa 140 ka sako nga uling sa kadagatang bahin sa Barangay
Bula alas 2:30 ang takna kaganinang kaadlawon.
Ang maong mga uling gikan matud pa sa Alabel, Sarangani Province ug
dad-on dinhi sa Gensan sakay sa bangka aron ibaligya apan nabisto sa
kapulisan mao nga gikumpiska.
Gibana-banaan nga mukantidad ug kapin P16,000 .00 ang kantidad sa
maong uling higayon nga kini mabaligya.
Nasayran nga sa dagat na ginaagi sa mga mangunguling ang mga baligyang
uling tungod dili na sila basta-basta pang makaagi sa highway sa
Sarangani tungod gidid-an na ang pagpanguling sa probinsya.
Nasayran sab nga niadtong nakalabayng simana mukabat sab sa 111 ka
sakong uling ang nadakpan sa Maasim Municipal Police Station sa check
point sa lungsod.
(Photo From Web)
