General Santos City—mukabat sa 285 ka mga sako sa gi-rebag nga NFA rice ngadto sa commercial rice ang nakumpiska sa National Bureau of Investigation ug National Food Authority sa usa ka warehouse nga nahimutang sa Diversion Road, Brgy. Sinawal niadtong nakalabayng adlaw.
Una nang nakadawat ug report ang NFA ug ang NBI nga matud pa dunay nagarebag ug NFA rice sa CT warehouse nga gipanag-iyahan sa usa ka negusyante nga taga Ezperanza Sultan Kudarat.
Gilayon nga girespondihan ang report ug didto nakaplagan ang mga sinakong bugas. Duda ang awtoridad nga posibling plano nga ibaligya ug mahal ang maong mga NFA Rice. Sa karon gikatakdang ipatawag sa NFA ang nanag-iya sa warehouse aron nga kini maimbistigahan.
(Photo from Web)
Facebook Comments
