General Santos City—Mukabat ngadto sa P500,000.00 nga kantidad sa smuggled nga sigarilyo gikan sa nasud Indonesia ang nakumpiska sa kapulisan sa Gensan alas 8:30 sa gabie sa nakalabayng adlaw.
Nasayran nga gisikop ang usa ka Indonesian national nga si Aris Bentelo, 26, residenti sa Tinangkarin, Taboran Indonesia, kansa maoy nagdala sa maong mga segarilyo dinhi sa syudad.
Sumala ni Police Sr. Inspector Robert Fores, hepe sa Police Station 2 nga nakadawat sila ug report gikan sa mga concerned Citizen nga matud pa dunay ipalusot nga mga kinarton nga sigarilyong Garam sa may Purok Kulasi, Barangay Labangal, Gensan gikan sa Indonesia.
Tungod niini giatngan sa mga nasangpit ang motor bangka nga gikargahan niini. Nasayran nga mukabat sa 39 na box ng Garam na sigarilyo ang nakumpiska sa kapulisan nga gikarga sa upat ka mga motorbangka.
Sa karon ang mga nakumpiskang sigarilyo anaa na sa kustudiya sa kapulisan samtang balhog karon sa silda ang Indonesian National nga nagdala niini.
