Sultan Kudarat – Patay ang duha ka mga empleyado sa PLDT samtang angol ang usa pa nila ka kauban human nga nakuryentihan sa alas -8:30 sa buntag niadtong nakalabayng adlaw sa may Purok Liwayway, Barangay San Pablo Tacurong City.
Mga namatay giilang silang si Jessie Mission, nga taga Alabel, Sarangani Province ug Michael Malupig, residenti sa samang lungsod. Samtang ang angol giilang si Franco Canino.
Subay sa pahayag sa mga kaubanan sa mga biktima nga nagtukod matud pa ug poste sa maong kumpanya ang mga biktima dihang aksidenting nakuryentihan.
Gumikan sa kakusog sa bultahe sa kuryenting milatay sa lawas sa duha ka mga biktima, sila nakabsan gyud ug kinabuhi, samtang swerting nakalingkawas sa baba sa kamatayon ang biktimang si Canino.
Sa karon ang duha ka mga namatay ang gipahiluna na sa ilang pamilya samtang nagpaalim pa sa ospital ang biktimang angol sa maong insidenti.
