Usa ka 5-anyos nga bata ang namatay , satang ang lima ka igsoon niini nadangat sa tambalanan human nalanag sa ilang gikaon nga isdang “tikong” sa isla sa Pangan-an sa dakbayan sa Lapulapu .
Ang namatay nailhan nga si Mateo Casio , 5 anyos samtang ang iyang mga igsoon nga nadangat sa ospital mao sila si Maria Teresa 2 anyos; Shantal 4, Saint Derec 9, Miles 10 ug Gean 12 anyos.
Samtang ang ilang mga ginikanan nga sila si Florencio ug Margir Casio wa ra maunsa.
Ang information officer sa Bureau of Fisheries and Acquatic Resources-7 nga si Alma Saavedra nipasabot nga ang tikong nga isda pamilya ra sa mga botete nga adunay toxins sa lawas niini .
Ubos sa Fisheries Administrative Order (FAO) ang mga botete dili ipakuha, ipabaligya ug samot nang dili ipakaon tungod kay kini makalanag .
