Sigma, Capiz- Patay na sang makit-an samtang nagasampay sa kilid sang suba ang 17-anyos nga lalaki nga ginapahayag may yara sang depirensya sa paminsaron sa Poblacion Sur, Sigma capiz kaina pasado alas 11 sang aga.
Ginkilala ang biktima kay Rodel Regalado Hambala, 17-anyos sang Sitio 95 Brgy. Lacaron Dao.
Suno sa impormasyon, ini ang masami nga makit-an sa lugar kag nagalakat lamang.
Sa subong gindala na sa Funeral Homes sa banwa sang Cuartero ang bangkay sang biktima samtang sa inisyal sa imbestigasyon sang Sigma PNP, wala naman sang nakit-an nga samad sa lawas sang biktima patimaan nga ini ang ginhungod sa pagpatay. Ginapatihan nga ini ang nalumos.
Padayon pa ang imbestigasyon sang mga kapulisan sa insidente.
Facebook Comments
